WAZIRI MKUU PINDA AZINDUA SENSA.

          Waziri Mkuu Mheshimiwa MIZENGO PINDA leo amezindua rasmiKampeni ya uhamasishaji wa Sensa ya watu na Makazi jijini Dar es salaam zoeziambalo linatarajiwa kufanyika Agost 26 mwaka huu.

           Waziri Mkuu amesema kuwa lengo la ni kupata taarifa sahihina muhimu ili kupanga na kuboresha maisha ya wananchi.

           Pia zoezi la Sensa litaenda sambamba na zoezi la Rejisterya Makazi ili kuweza kupata na kurahisisha mazoezi mengine.

           Ameeleza kuwa taarifa za zoezi hilo zitatumiwa na serikali kwa shughuli mbalimbali za Kimaendeleo na kwamba taarifa hizo zitatumika kufuatilia na kutathimini MKUKUTA na MKUZA .

          Amesema sensa haina mahusiano yoyote na imani za dini isipo kuwa ni kutafuta idadi ya watu ili kupata taarifa zitakazoweza kusaidia nchi katika kuleta na kupanga Maendeleo.

          Amefafanua kuwa ni vema Umma ukahamasishwa na kuelimishwa kwani sensa ni jambo jema.

          Kwa upande wake Makamu wa pili wa Rais Zanzibar Balozi SEIF ALI IDD amesema sensa inakabiliwa na changamoto kadhaa ikiwemo uelewa mdogo kwa baadhi ya viongozi wadini na wananchi hali inayopelekea kuwanyima wananchi haki yao ya msingi.

          Balozi IDD amesema kutofanikiwa kwa zoezi hilo wajue ni hasara kubwa kwa nchi hivyo kutokuwa na faida yoyote kwa wale wanaohamasisha wananchi wasishiriki.

          Naye Mkuu wa mkoa wa Dar es salaam Ndugu SAID MECKY SADIQ amesema kuna baadhi ya Mashekhe wanapita misikitini na majumbani kuhamasisha watu wasijitokeze kushiriki zoezi huilo kwa madai kuwa hakuna kipengele cha kuonesha wewe ni dini gani hivyo hoja hiyo ni dhaifu.

                     Zoezi la sensa linatarajiwa kutumia zaidi ya Shilingi Bilioni 140 hadi kukamilika kwa zoezi la Sensa.